Энэ мэдээ хуучирсан буюу 2021/07/28-нд нийтлэгдсэн мэдээ болно.

Хөгжлийн бэрхшээлтэй иргэд номын сангаар үйлчлүүлэх боломжтой болно

Ангилал
Нийгэм
Огноо
Унших
1 минут 49 секунд

НИТХ-ын Хүний хөгжлийн хороо хуралдаж, Улаанбаатар хотын нийтийн төв номын сан болон салбар дөрвөн номын сан, алслагдсан гурван дүүргийн Соёлын ордны номын санд хөгжлийн бэрхшээлтэй иргэдэд үйлчлэх орчин нөхцөлийг бүрдүүлэх талаарх асуудлыг хэлэлцлээ.

Хуралдаанд Нийслэлийн Засаг даргын орлогч Ж.Сандагсүрэн оролцож, зарим асуудлыг танилцуулан, НИТХ-ын төлөөлөгчдийн асуултад нэмэлт мэдээлэл өгсөн юм. Тодруулбал, соёлын тухай хууль болон төрөөс соёлын талаар баримталж байгаа бодлогын хэрэгжилт, Үндэсний агуулга бүхий соёлын бүтээлч үйлдвэрлэлийг хөгжүүлж, хотын соёлыг дээдэлсэн иргэнийг төлөвшүүлэх асуудлыг хөндсөн байна.

"Нийслэлийг 2021-2025 онд хөгжүүлэх таван жилийн үндсэн чиглэл, Нийслэлийн Засаг даргын 2020-2024 оны үйл ажиллагааны хөтөлбөрт соёл, урлагийн чиглэлээр тусгагдах нэг тэргүүлэх зорилго, долоон зорилт, 12 үйл ажиллагааг Соёлын тухай хууль, төрөөс баримтлах соёлын бодлого, Монгол Улсыг 2021-2025 онд хөгжүүлэх үндсэн чиглэл, Засгийн газрын үйл ажиллагааны хөтөлбөрийн хүрээнд боловсруулан батлуулж, хэрэгжилтийг ханган ажиллаж байна.

Хурлаар Үндэсний номын сангийн хуучин барилга, Дуурь, бүжгийн эрдмийн театр, Драмын эрдмийн театрын барилгуудыг сэргээн засварлах тухай хэлэлцлээ. Мөн Улаанбаатар хотын “Соёлын бүтээлч үйлдвэрлэл” эрхлэгчдийг дэмжих инкубатор төв байгуулах газрын асуудал, зураг төслийн зардлыг шийдвэрлүүлэхээр 2022 оны хөрөнгө оруулалтын төлөвлөгөөний төсөлд санал хүргүүлээд байгаа юм" гэж НЗДТГ-ын Хэвлэл мэдээлэлтэй харилцах хэлтсээс мэдээллээ.

Саид Моллайд Ерөнхийлөгч ГАВЬЯАТ цол хүртээх үү
Саид Моллайд Ерөнхийлөгч ГАВЬЯАТ цол хүртээх үү
 
Улсын хэмжээнд 5.9 сая мал хорогдож, 6 аймгийн 20 сум төмөр зудтай байна
Улсын хэмжээнд 5.9 сая мал хорогдож, 6 аймгийн 20 сум төмөр зудтай байна
Энэ мэдээ хуучирсан буюу 2021/07/28-нд нийтлэгдсэн мэдээ болно.