Хөвсгөл аймгийн Мөрөн сумын Урандөш багийн нутаг “Дэлгэр” мөрөнд сэлж байсан 28 настай эрэгтэй живжээ.
Энэ талаарх дуудлага аймгийн ОБГ-ын албанд энэ сарын 23-ны өдрийн 17:29 цагт ирсэн бөгөөд дуудлагын дагуу Мөрөн сумын харьяат иргэн Д-г эрэн хайх ажиллагааг зохион байгуулжээ. Эрлийн баг “Урандөш” багийн Өндөр-Эрэг хэмээх газраас Бүрэнтогтох сумын Эрчим багийн “Хүүшийн булан” гэдэг газар хүртэл 26 км-т завиар эрэн хайх ажиллагааг зохион байгуулсан боловч үр дүнд хүрээгүй байна. Иймд өнөөдөр 06:00 цагаас эрэн хайх ажиллагааг дахин эхлүүлсэн байна.
