Энэ мэдээ хуучирсан буюу 2021/07/22-нд нийтлэгдсэн мэдээ болно.

Хүүхдийнхээ хүйсийг зарлах үдэшлэг хийсэн хосууд хээрийн түймэр дэгдээсний улмаас ял авахаар болжээ

Ангилал
Дэлхий дахинд
Хэзээ
2021/07/22
Унших
2 минут 40 секунд
QR кодыг уншуулж мэдээг утсаараа унших боломжтой.

Өнгөрсөн жил гэдсэнд буй хүүхдийнхээ хүйсийг зарлах үдэшлэг хийсэн АНУ-ын нэгэн хос Калифорнид аюултай түймэр дэгдээсэн хэмээн буруутгагдсан. Улмаар тэдэнд 20 жилийн хорих ял оноохоор болж байгаа талаар албаныхан мэдээлжээ. Бага Рефужио Мануэл Хименез болон Анжела Рене Хименес нарын Эль Дорадо мужид дэгдээсэн гал түймрийн улмаас хүний амь нас хохирсон зэрэг хэд хэдэн үндэслэлээр буруутгагдаж байгаа аж.

Албаныхны мэдээлж буйгаар, тэд өнгөрсөн есдүгээр сард үдэшлэгийнхээ үеэр утаат гал асаасан бөгөөд галаас үсэрсэн оч томоохон түймэр дэгдээж, нэг гал сөнөөгч амь үрэгдэн, бусад нь шархаджээ. Тухайн үед эхнэр, нөхөр хоёр өөрсдийгөө буруугүй гэж мэдүүлсэн ч Эль Дорадо дахь гал түймэр хоёр сар гаруй хугацаанд үргэлжлэн асч, Калифорнийн өмнөд хэсгийн 22000 гаруй акр буюу 89000 км.кв гаруй талбай хамарч, байшингууд болон бусад үл хөдлөх хөрөнгө шатсан байна.

Эцэст нь түймрийг арваннэгдүгээр сарын 16-нд бүрэн унтрааж дуусчээ. Гал сөнөөгч Чарльз Мортон гал түймрийг унтраах үеэрээ нас барж, бусад хэд хэдэн гал сөнөөгч хүнд шархадсан юм.

Мягмар гарагт Сан-Бернардино мужийн холбогдох албаны хүмүүс үдэшлэгийг зохион байгуулсан хосыг бусдын амийг санамсаргүй бүрэлгэсэн, болгоомжгүй байдлаар гал түймэр дэгдээн бусдын гэр оронд хохирол учруулсан зэрэг хэргээр буруутгаж байгаа гэж мэдэгджээ. Тиймээс дээрх зүйл ангиудад буруутай нь тогтоогдвол хорих ялыг 20 жил хүртэл "сунгах" магадлалтай гэж прокурорууд хэлжээ.

Хосууд ирэх есдүгээр сарын 15-нд шүүх хуралд оролцох юм.

Хүйс зарлах үдэшлэг нь эцэг эх нь охин эсвэл хүүтэй болох эсэхээ өөрсдөдөө болон бусдад мэдэгдэх жижиг хэмжээний баяр юм. Эцэг эхчүүд урьдчилан янз бүрийн тоглоом бэлдэж, түүгээрээ хүүхдийнхээ хүйсийг эрэгтэй бол цэнхэр өнгөөр, эмэгтэй бол янгаар өнгөөр илэрхийлж зарладаг бөгөөд зарим тохиолдол салют, өнгөт утаа зэрэг ашигладаг юм. Гэвч сүүлийн жилүүдэд ийм төрлийн үдэшлэг буруугаар эргэх тохиолдол олон гарч байна.

Б.Отгонтуяа

Эх сурвалж: https://www.bbc.com/news/world-us-canada-57898993

Энэ мэдээ хуучирсан буюу 2021/07/22-нд нийтлэгдсэн мэдээ болно.
  1. Зочин

    Эрх мэдэлтэнгүүт тийм хууль гаргахгүй байхаа. Учир нь онцгойгоор далимдуулж төрийн мөнгийг завших ганц нүх нь байх шиг байгаа юм.

  2. Зочин

    Зөв. Манайд ч гэсэн самарт явж байгаад төөрчихлөө гээд хэдэн саяын зардал гаргуулж татвар төлөгчдийн мөнгөөр туйлдаг явдлыг зогсоож гэм буруутай нөхдөөр гарсан зардлыг төлүүлдэг бол хүн бүр хариуцлагатай болно.

  3. Өаишүш

    Зөв ш дээ өөрийнхөө өчүүхэн эрх ашгийн төлөө ард олны хамаг хөрөнгийг шатааж асар гарз хохирол цаг зав үрсэн юм харин цаазаар авахуулаагүй нь их юм

  4. oyu

    Khunii Amidrald tokhioldokh khamgiin azgyi . zolgyi ybdal gej Khelekh baikh daa Khumuusee Galaas Bolgoomjlooroi