Засгийн газар өнгөрсөн тавдугаар сараас эхлэн вакцинжуулалтад хамрагдсан иргэдэд дархлаа дэмжих 50,000 төгрөг олгож эхэлсэн. Энэхүү шийдвэрийн дараа иргэдийн вакцинд хамрагдах идэвх нэмэгдсэн бөгөөд өнөөдрийн байдлаар нийслэл Улаанбаатар хотод 970,975 хүн эхний тунд, 856,019 нь бүрэн тунд хамрагдаад байна.

Өнгөрсөн долоо хоногоос эхлэн жирэмсэн эмэгтэй, 16-17 насны хүүхдүүдийг файзер вакцинд хамруулж эхэлсэн. "Вакцинд хамрагдсан хүүхдүүдэд урамшууллын 50 мянган төгрөг олгоно" гэж Сангийн яамнаас мэдээлжээ. Вакцинд хамрагдсан хүүхдүүдийн хүүхдийн мөнгөний дансанд урамшууллын 50 мянган төгрөг орох юм байна.