Коронавирусний вакцинд нь бүрэн хамрагдсаны дараа гурав дахь тунг хийлгэснээр Өмнөд Африкийн болон Бразилын хувилбарын эсрэг биетийн түвшин нэмэгдэхэд нөлөөлж байна. Судалгаанд хэрэглээнд нэвтэрсэн вакцин болон Өмнөд Африкийн хувилбартай тэмцэхэд зориулж гарган авсан туршилтын вакциныг ашигласан бөгөөд “Moderna” компанийн вакцинаас өмнө нь хоёр тунг хийлгэсэн 40 хүн оролцжээ.

  Үүнээс гадна Өмнөд Африкийн хувилбартай тэмцэхэд зориулж тусгайлан гарган авсан вакцин нь энгийнээсээ илүү үр дүнтэй байна гэсэн дүгнэлтэд судлаачид хүрчээ. Коронавирусний Өмнөд Африкийн хувилбараар халдварласан анхны тохиолдол өнгөрсөн оны 10 дугаар сард илэрчээ. Энэ хувилбар нь илүү хурдан халдварладаг бөгөөд халдварын болон нас барсан тохиолдол нэмэгдэхэд хүргэсэн байна.