Хэнтий аймгийн Хэрлэн голыг таван иргэн явганаар гатлах үедээ гарч чадахгүй гацсан тухай дуудлага дөрөвдүгээр сарын 3-ны өдрийн 23:55 цагт аймгийн Онцгой байдлын газарт иржээ.
Иймд аймгийн Эрэн хайх, аврах салбарын алба хаагчид 14-39 насны таван иргэнийг уснаас гарган, аймгийн түргэн тусламжийн хэсэгт хүлээлгэн өгсөн байна. Онцгой байдлын байгууллагаас цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг иргэдэд анхаарууллаа.
