Нийслэлийн суурьшлын бүсэд зөрчилтэй 116 барилга байгааг НЗДТГ-аас өнгөрсөн оны наймдугаар сард  тогтоожээ. Эдгээрээс таван барилгын талаар шүүхийн маргаан үргэлжилж байгаа аж.

Мөн 33 барилга тусгай хамгаалалттай газар баригдсан бол, 15 барилгад улсын комисс ажиллаж, 63 барилгад мэргэжлийн хяналтын байгууллага дүгнэлт гаргахаар хянан шалгаж байна.
Нийслэлийн суурьшлын бүсэд зөвшөөрөлгүй, нийтийн эзэмшлийн талбай руу түрж барьсан барилгуудыг цэгцлэх ажлын хэсэг 116 барилгад нэг бүрчлэн санал, дүгнэлт гаргахаар тогтжээ. Дүгнэлтэд үндэслэн тухайн барилгын ажлыг үргэлжлүүлэх эсэхийг шийдэж, нураах хүртэл арга хэмжээ тооцох юм.