Энэ мэдээ хуучирсан буюу 2021/01/20-нд нийтлэгдсэн мэдээ болно.

Бразилд халдвар авсан 102 настай хүн эдгэрчээ

Ангилал
Дэлхий дахинд
Хэзээ
2021/01/20
Унших
1 минут 25 секунд

Япон гаралтай Бразилын иргэн, өдгөө 102 настай Ёшио Нишии “COVID-19”-өөр халдварлаад эдгэрсэн талаар Бразилын олон нийтийн хэвлэл мэдээллийн хэрэгслүүд мэдээлжээ.

Бразилын өмнөд нутгийн Куритиба хотод амьдардаг тэрбээр өнгөрсөн сард коронавирусээр халдварласан боловч гурван долоо хоног орчмын дараа эдгэрсэн байна. Бразилын хэвлэлүүд Ё.Нишии болон түүний гэр бүлийн мэдээлснийг иш татан уламжилснаар, Ё.Нишии өмнө нь өөр цар тахлыг даван туулж байсан юм.

Тодруулбал, тэрбээр 100 орчим жилийн өмнө Японы баруун нутагт тархаж байсан Испани ханиад тусаж байжээ. Уг цар тахлын улмаас Ё.Нишиигийн олон хамаатан нас барсан боловч тэрбээр эдгэрсэн гэж гэр бүлийн гишүүд нь мэдээлсэн байна.  Өдгөө 102 настай хүн ийнхүү эдгэрснийг Бразилын хэвлэл мэдээллийн хэрэгслүүд “гайхамшиг” хэмээн тодорхойлж, энэхүү явдал нь бразилчуудад итгэл найдвар төрүүлж байна хэмээжээ.

Мягмар гарагт “NHK” суваг Ё.Нишиитэй утсаар холбогджээ. Түүний хэлснээр, халдварт өвчнүүдийг ялан дийлсэн нь аливааг үргэлж эерэгээр бодож, аар саар зүйлсэд санаа зовдоггүйтэй нь холбоотой гэнэ.

Энэ мэдээ хуучирсан буюу 2021/01/20-нд нийтлэгдсэн мэдээ болно.

Төстэй мэдээллүүд: