Комедиан Ч.Хантүмэн “Urban talk” нэвтрүүлгийн үеэр ярьсан асуудалдаа тайлбар хийлээ. Тодруулбал, нэвтрүүлгийн хөтлөгчийн зүгээс түүнийг олон жилийн өмнө өнчин охид олж, насанд хүрэгчдийн кино хийнэ хэмээн ярьсан талаар нэвтрүүлгийн үеэр хэлсэн нь олон нийтэд хүрч, шүүмжлэл дагуулаад байгаа юм.

Эл тайлбартаа “Тэмээ, ямаа гэдэг шиг буруу ярьж түмний цухал төрүүлсэндээ албан ёсоор уучлалт гуйж байна. Амнаасаа болох юм аа. Уул санаа нь тийм зүйл байгаагүй шүү. Бүтэн үзвэл нөгөө талдаа л яриад байгаа юм. Ялангуяа өнчин гэдэг үг дээр бүтэн алдаа гаргажээ. Надад өөрийгөө өмгөөлөх хэлэх үг алга, буруугаа хүлээнэ. Дахин уучлаарай” гэв.