Ардчилсан намаас долоо хоног бүр 4/11 хэвлэлийн хурлыг зохион байгуулдаг. Өнөөдрийн хэвлэлийн хурлын үеэр АН-ын Нарийн бичгийн дарга, УИХ дахь АН-ын бүлгийн зөвлөх А.Батпүрэв "АН хууль зөрчиж хувь хүний мэдээллийг хадгалсан, бусдад дэлгэсэн асуудал байхгүй. Энэ асуудлыг шалгуулахаар хуулийн байгууллагад хандсан" гэв.

Эргэн сануулахад, Ардчилсан намын гишүүнчлэлийн цахим системийг хакердсан гэх агуулгатай мэдээлэл олон нийтийн цахим сүлжээнд гарсан. Үүнтэй холбоотойгоор гишүүнчлэлийн цахим бүртгэлийн цахим систем рүү халдсан, мэдээлэл алдагдсан тохиолдол бүртгэгдээгүй болохыг тус намаас албан ёсоор мэдэгдсэн юм.