“Хотула” аппликейшнээр дамжуулан автомашины торгуулийн төлбөр төлөх боломжтой боллоо. Тодруулбал, өнөөдрөөс эхлэн тус аппликейшнийг ашиглан үйлчилгээний шимтгэлгүйгээр зөвхөн банкны гүйлгээний шимтгэл 200 төгрөг төлж, төлбөрөө бөөнд нь төлөх боломж бүрдсэн байна.

Ташрамд, “Хотула” аппликейшн нь нийслэлийн иргэдэд зориулсан харилцаа холбоо, төлбөр тооцоо, цахим худалдааг нэг дор багтаасан дижитал платформ юм. Иргэд тус аппликейшнийг ашиглан дараах үйлдлүүдийг хийх боломжтой.

• Хэрэглээний бусад төлбөрийг нэг дороос төлөх;
• Хатуу болон хийн түлшний худалдан авалтаа гар утсаар хийх;
• QR код ашиглан төлбөрөө цахимаар төлөх;
• Түлшний түгээлтийн мэдээлэл, байршлыг хянах;
• Өрхийн хэрэглээ болон үлдэгдлээ хянах зэрэг давуу талтай юм.