Өнөөдөр /2020.01.27/ Архангай аймагт коронавирусийн сэжигтэй тохиолдол илэрчээ. Саяхан тус аймгийн Онцгой комисс хуралдаж, тодорхой шийдвэр гаргасан байна.

Архангай аймгийн онцгой комиссын хуралдааны үеэр мэдэгдсэн мэдээлэл:

Хонг-Конг улсад нэгдүгээр сарын 01-03-ны хооронд зорчоод, 3-ны өдөр МИАТ-ийн шууд нислэгээр ирсэн 46 настай иргэн эмнэлэгт халуурсан шалтгаанаар ирсэн.Тиймээс бид тухайн хүнийг сэжиглэж,    ДЭМБ болон ЭМЯ-ны зөвлөмжийн дагуу ажилласан. Шинжилгээний хариу 72 цагийн дараа гарна.  Уг иргэн нь Хонг-Конг улсад зорчих хугацаандаа далайн гаралтай хүнс идсэн гэнэ. Хонг-Конг улсад уг вирусийн халдвар бүртгэгдсэн учир бид сэжиглэхээс өөр аргагүй. Гэхдээ Хонк-Конгод анхны тохиолдол нэгдүгээр сарын 22-нд бүртгэгдсэн. Харин энэ хүн нэгдүгээр сарын 01-03-ны хооронд зорчсон. Одоогоор ДЭМБ нууц үеийг 7-14 хоног гэж үзэж байгаа. Энэ нууц үеэс өмнө уг иргэн Хонгконгод зорчсон учир харьцангуй эрсдэл бага ч нууц үе нэмэгдэхийг үгүйсгэхгүй тул болгоомжилж, удирдамжийн дагуу ажиллав. Онош баталгаажсанаас хойш халдвар гарсан, бүртгэгдсэн гэж тооцох учиртай.