Санхүүгийн зохицуулах хорооноос энэ онд мөнгөн зээлийн хүүгийн дээд хэмжээг 4.5 хувь байхаар хэвээр хадгалсан байдаг. Харин ломбард буюу мөнгөн зээлийн үйл ажиллагаа эрхлэгчид тогтоосон дээд хэмжээнээс илүү буюу 5-8 хувийн хүү тооцож буй юм. Тэгвэл Санхүүгийн зохицуулах хорооноос Баянзүрх дүүргийн 7 дугаар хорооны нутагт байрлан мөнгөн зээлийн үйл ажиллагаа эрхлэгчдийн үйл ажиллагаанд хяналт шалгалт явуулахад баталсан зээлийн хүүгээс илүү хүү тооцон зээл олгосон, нэмэлт төлбөр, шимтгэл хураамж авсан, бүртгэлгүй салбар нээн ажиллуулсан зэрэг зөрчлүүд илэрсэн байна.

Өнөөдрийн байдлаар Монгол улсын хэмжээнд нийт 516 этгээд мөнгөн зээлийн үйл ажиллагаа эрхлэгчээр бүртгүүлсэн байна. Санхүүгийн зохицуулах хорооноос эдгээр мөнгөн зээлийн үйл ажиллагаа эрхлэгчдэд тавих хяналт шалгалтыг жилийн хугацаанд үргэлжлүүлэх юм байна.