Ерөнхий сайдыг огцрохыг шаардсан "Огцрох амархан" жагсаал төв талбайд үргэлжилж буй. Жагсаалын үеэр зарим УИХ-ын гишүүд шаардлагыг дэмжиж, гарын үсгээ зурж эхэлсэн.

Тодруулбал С.Цэнгүүн, Ч.Лодойсамбуу, Ж.Золжаргал, Ж.Баярмаа нарын гишүүд гарын үсгээ зураад байв. Тэгвэл өнөөдөр УИХ-ын гишүүн Ш.Бямбасүрэн гарын үсгээ зурсан байна.

Тэрбээр өөрийн цахим хуудаснаа "Ёс зүй алдагдсан газарт хуульт ёс нуран унадаг. Тиймээс Ёс зүй, шударга байдлыг шаардаж байгаа иргэдийн "Огцрох амархан" шаардлагыг дэмжиж байна. Өмнө нь ч Ч.Лодойсамбуу гишүүн нартай хамтран Ерөнхий сайдыг огцруулах шаардлагад гарын үсэг зурсан минь хэвээр байгаа.

Миний хувьд орон нутагт ажиллаж байгаа учраас нийслэлд очоод зурах болно. Тиймээс намайг Монгол Улсын Их хурлын гишүүний хувьд "Ерөнхий сайдыг огцруулах шаардлага"-д гарын үсэг зурсанд тооцож болно.