Тойргоос сонгогдсон гишүүдэд 15 тэрбумыг өгөх гэж байна хэмээн УИХ-ын гишүүн М.Нарантуяа-Нара шүгэл үлээсэн. Зарим гишүүд үүнийг дэмжихгүй гэдгээ илэрхийлсэн бол Сангийн сайд Б.Жавхлан "Ирэх оны төсвийн төсөлд яамдаас ирүүлсэн саналууд хуульд заасан шаардлагуудыг хангасан тохиолдолд төсвийн төсөлд сууна. Өөрөөр хэлбэл, ирсэн саналуудыг шууд төсвийн төсөлд суулгана гэсэн асуудал байхгүй. Ирэх оны төсвийн төслийг олон нийтэд ил болгож, саналыг нь авах хуулийн зохицуулалт хоёр жилийн өмнөөс үйлчилж эхэлсэн" гэсэн байдаг.

Тэгвэл уг асуудал дээр УИХ дахь АН-ын бүлгийн 38 гишүүн санал өгсөн гэх мэдээлэл байна. Харин УИХ-ын гишүүн Ж.Баярмаа, Ш.Бямбасүрэн, Ч.Лодойсамбуу, С.Цэнгүүн нар санал өгөөгүй байна. Энэ 4 гишүүн "Тойрогт зориулсан төсөв хэрэггүй. Эдийн засаг хүнд хэцүү байгаа энэ цаг үед Засгийн газар "Хөгжлийн төсөв" боловсруулж, УИХ-д оруулж ирэх ёстой" гэсэн байр суурин дээр нэгдэж байгаа юм байна.