Чингэлтэй дүүргийн ЕБС-ийн сурагчдыг усан спортын анхан шатны сургалтад хамруулж, усанд сэлэлтийн суурь мэдлэгтэй болгох зорилгоор дүүргийн спорт хорооны бассейнд үнэ төлбөргүй хичээллүүлж эхэлжээ. Эхний ээлжинд нийт 19 сургуулийн дунд ангийн 800 хүүхэд, ирэх есдүгээр сараас дараагийн ээлжийн 800 хүүхдийг хамруулахаар төлөвлөн ажиллаж байна гэлээ.

Усан бассейнд хичээллэх сурагчдыг эхлээд танхимд онолын мэдлэг өгч, эрүүл мэндийн үзлэг, шинжилгээнд хамруулсан байна. Мөн тухайн ээлжийн сургуулийн биеийн тамирын багш хүүхдүүдийн аюулгүй байдлыг ханган ажиллах тул тус багш нарыг дадлагажуулах сургалтад хамруулжээ.