Өнгөрсөн 2024 онд үндэсний шигшээ багийн тамирчид тив, дэлхийн томоохон тэмцээнүүдээс 80 гаруй медаль хүртсэн амжилтыг үзүүлсэн. Тэгвэл бид 2025 онд зохион байгуулагдах спортын тив, дэлхийн томоохон тэмцээнүүдийг хуваарийн мэдээллийг хүргэж байна.

Жүдо бөхийн тухайд Монголын тамирчдын оролцох боломжтой 19 тэмцээн хүлээж байна. Үүнээс Их дуулгын 10 тэмцээн зохиогдох ба долоодугаар сарын 25-27-нд Улаанбаатар Их дуулга тэмцээн зохиогдоно. Харин Азийн аварга шалгаруулах тэмцээн дөрөвдүгээр сард Тайландад, ДАШТ зургаадугаар сард Унгарын Будапешт хотноо болох хуваарьтай байна.

• 2-р сарын 1-2-нд Их Дуулга - Франц, Парис
• 2-р сарын 14-16-нд Их Дуулга - Азербайжан, Баку
• 2-р сарын 28-3-р сарын 2-нд Их Дуулга - Узбекстан, Ташкент
• 3-р сарын 7-9-нд Гранпри - Австри, Линц
• 3-р сарын 21-23-нд Их Дуулга - Гүрж, Тбилис
• 4-р сар Их Дуулга - Турк, Анталья
• 4-р сарын 24- 28 Азийн АШТ - Тайланд Бангкок
• 5-р сарын 2-4-нд Их Дуулга - Тажикистан, Душанбе
• 5-р сарын 9-11-нд Их Дуулга - Казахстан, Астана
• 6-р сарын 11-13-нд Азийн Нээлттэй тэмцээн - БНХАУ
• 6-р сарын 13-20-нд Дэлхийн АШТ - Унгар, Будапешт
• 7-р сарын 12-13-нд Азийн Нээлттэй тэмцээн - Тайвань, Тайпэй
• 7-р сарын 23-26-нд Оюутны Универсиад - Герман, Эссен
• 7-р сарын 25-27-нд Их Дуулга - Монгол, Улаанбаатар
• 10-р сарын 17-19-нд Их Дуулга - АНЭУ, Абу Даби
• 10-р сарын 25-26-нд Азийн Нээлттэй тэмцээн - Хонконг
• 10-р сар Гранпри Тэмцээн - Потугал
• 11-р сарын 14-16 Гранпри Тэмцээн - Хорват, Загреб
• 12-р сарын 6-7-нд Их Дуулга - Япон, Токио хотноо тус тус зохиогдоно.

Харин 2025 онд 56 спорт холбооны өвөл, зуны нийт 197 тэмцээн болох аж. Тодруулбал, насанд хүрэгчдийн ангилалд 60, залуучуудад 28, өсвөр үеийнхэнд 59, ахмадын тэмцээнийг зохион байгуулна. Түүнчлэн Засгийн газрын 183 дугаар тогтоолын дагуу дөрвөн жил тутамд болдог Монголын бүх ард түмний XVI зуны спортын наадам, хоёр жил тутамд болдог Монголын хүүхдийн спортын VIII наадам болох юм.