Вьетнам улсын хойд хэсэгт “Супер Яги” нэртэй хар салхи энэ сарын 8-нд дайран өнгөрч, улмаар аадар борооны улмаас хөрсний гулгалт үүсэж, 21 иргэн амь насаа алдан, 48 иргэн хүнд бэртэж, гэмтэн, олон арван иргэн ор сураггүй болсон байна.
Мөн 50.000 гаруй оршин суугчийг аюулгүй газарт нүүлгэн шилжүүлж, Ханой хотод тог цахилгаан тасарч, барилга байгууламж нурж, зам тээврийн дэд бүтцэд томоохон хохирол учруулжээ.
Тус улсын Засгийн газраас 12 мужийн сургуулиудыг хааж, дөрвөн нисэх онгоцны буудлын үйл ажиллагааг зогсоон, хойд бүсийн оршин суугчдыг гэрээсээ гарахгүй байхыг анхааруулсаар байна. “Супер Яги” далайн хар шуурга нь Вьетнам улсыг дайрахаас өмнө Хятад улсыг 245 км/цагийн хурдтайгаар дайран өнгөрч, их хэмжээний хохирол учруулан, гурван иргэн амь насаа алдаж, 100 орчим иргэн бэртэж гэмтсэн бол Филиппин улсад 20 гаруй иргэн амиа алдаж, 22 хүн сураггүй алга болсон талаар мэдээллээ.
Эх сурвалж: ОБЕГ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!