Ирэх сарын 1-нээс орон нутгийн тээврийн хэрэгсэл нийслэлд 48 цагаас дээш хугацаанд зорчвол хоног тутамд 5000 төгрөг төлөхөөр болжээ. Энэ талаар Нийслэлийн Замын хөгжлийн газрын захиргаа, санхүүгийн хэлтсийн ахлах мэргэжилтэн Ө.Төрбат "Есдүгээр сараас 1-нээс орон нутгийн тээврийн хэрэгсэл нийслэлд 48 цагаас дээш хугацаанд зорчвол хоног тутамд 5000 төгрөг төлнө. 48 цаг дотроо 1000 төгрөгийн хураамжтай. Нийслэлийн Засаг даргын захирамж гарсан. Захирамжийн хэрэгжилтийг есдүгээр сарын 1-нээс хангаж ажиллана. Хуримтлагдсан мөнгөөр Улаанбаатар хотын замын засвар шинэчлэлийн ажилд зарцуулна" гэлээ.