"Тавантолгой төмөр зам" ХХК-ийн суурь бүтцээр 2024 оны долоодугаар сарын 12-ны өдрийн байдлаар өссөн дүнгээр 2 сая.тонн ачаа тээвэрлэсэн байна. Энэ нь өнгөрсөн оны мөн үетэй харьцуулахад 2.7 дахин өссөн үзүүлэлт юм.

Тээвэрлэсэн ачааг чиглэлээр нь ангилж үзвэл Тавантолгой–Гашуунсухайт-Тавантолгой чиглэлд 0.9 сая тонн, Тавантолгой–Цогтцэций-Тавантолгой чиглэлд 1.1 сая тонн ачааг тус тус тээвэрлэлээ. Нийт ачааг төрлөөр ангилж үзвэл экспортын нүүрс 1,449.04 мянган тонн, сайжруулсан түлшний түүхий эд 363.70 мянган тонн, нефтийн бүтээгдэхүүн 74.69 мянган тонн, аммонийн нитрат 1.01 мянган тонн, бусад төрлийн 114.95 мянган тонн ачаа тээвэрлэжээ.