УИХ-ын Нийгмийн бодлогын байнгын хороо хуралдаж, Гепатитын Д вирусийн халдвартай иргэдэд үзүүлж буй тусламж, үйлчилгээний өнөөгийн байдал, цаашид хэрэгжүүлэх арга хэмжээний тухай Эрүүл мэндийн сайдын мэдээллийг сонслоо.
Энэ үеэр УИХ-ын гишүүн М.Оюунчимэг "2017 онд Д.Сарангэрэл, С.Чинзориг гишүүн бид гурав С вирустай нэг иргэн 100-200 ам.доллар зарцуулж байна гээд Байнгын хороонд хандаж байсан. Үүнд Байнгын хороо манлайлалтай оролцож, төсөвт хөрөнгө суулгаад Харвони буюу С вирусыг устгах эмийг оруулж ирсэн. Өнөөдөр С вирусыг хэн ч ярихгүй байна. Энэ бол үр дүн. Хүн бүр бидэнд талархдаг.
Яагаад гэвэл тэр үеийн НББХ энэ асуудлыг шийдэж чадсан. Бид гурав лобби бүлгийн гишүүн байсан юм. Үүнтэй адил В, Д вирусын эсрэг ийм маягийн шийдэл гаргах нь чухал байна" гэв.
