Баян-Өлгий аймагт гадаадын жуулчныг хүчирхийлсэн гэх мэдээлэл олон нийтийн сүлжээнд цацагдсан. Энэ талаар цагдаагийн байгууллагаас тодруулахад "Энэ сарын 10-ны өдөр Баян-Өлгий аймгийн Ногооннуур сумын нутагт гадаад улсын иргэн бусдад хүчирхийлүүлсэн гэх мэдээлэл бүртгэгдсэн. Тус аймгийн цагдаагийн газраас шалгалтын ажиллагаа явуулахад, хохирогч гадаад улсын иргэн эмэгтэй явган аялал хийж явахдаа энэ сарын 09-ний өдөр бусдын автомашинд дайгдан, айлд хоноглох үед согтуурсан иргэн хүчирхийлсэн нөхцөл байдлыг материалжуулан шалгаж байна.

Гэмт хэрэг үйлдсэн иргэнийг олж тогтоон саатуулсан" гэлээ. Шалгалтын ажиллагаа үргэлжилж байна.