Дүүжин тээврийн төслийн барилга угсралтын ажлыг ирэх гуравдугаар сард эхлүүлэхээр төлөвлөж байгаа талаар өнөөдөр албаныхан мэдэгдсэн. Гүйцэтгэгч Франц Улсын "Пома" группийн зүгээс дүүжин тээврийн зарим шийдлийг онцоллоо. Тухайлбал, бүхээг нь цаг уурын бүх нөхцөлд ажиллах зориулалттай. Бүхээгт 10 зорчигч суух боломжтой. Хөгжлийн бэрхшээлтэй иргэд бүрэн ашиглах боломжтой. 4.2 км дүүжин тээврийн замыг 11 минутад туулна. Нэг талдаа 2500 зорчигч тээвэрлэх хүчин чадалтай.