Монголын Бурхан шашинтны төв Гандантэгчэнлин хийдийн Тэргүүн их хамба лам, Хамба номун хан, гавж Д.Чойжамц ажлаа өгөх хүсэлтээ гаргажээ. Тодруулбал, хүсэлтээ өөрийн хүсэлтээр ажлаа өгөх өргөдлөө Гандантэгчэнлэн хийдийн захиргаанд гаргасан байна.

Энэ талаар Гандантэгчэнлин хийдийн ХМОНХА-ны дарга Ч.Бямбажаргалаас тодруулахад "Ажлаа өгөх хүсэлтээ өгсөн нь үнэн. Дараагийн Хамба ламыг тодруулах асуудлыг хийдийн Захиргаа шийднэ. Учир нь энэ бол шашны дотоод асуудал. Тиймээс ажлаа өгөх хүсэлтээ Ерөнхийлөгчид өгсөн гэдэг нь ташаа мэдээлэл. Төр, шашин хоёр тусдаа байх ёстой" гэлээ.

Сануулахад, Д.Чойжамц нь Гандантэгчэнлин хийдийн Тэргүүн их хамба ламаар 1992 онд заларч байсан бөгөөд ийнхүү 31 жилийн дараа ажлаа өгч буй нь энэ юм.