Улсын начин Д.Цэрэнтогтох допингийн шинжилгээ авах үеэр бөхчүүдийн шээсийг санаатайгаар сольдог байж болзошгүй нөхцөл байдлын талаар ноцтой мэдээллийг дэлгэлээ. Тодруулбал, тэрбээр өөрийн цахим хуудастаа өөрт нь ирсэн мессежний зургийг дэлгэсэн байна.
Тус мессежид, "Би чамаас шинжилгээ авч байсан. Одоо шүгэл үлээе дээ. Ах нартайгаа нийлээд чиний шээсийг сольсон. Хариуцлага аа би өөрөө хүлээнэ. Баримт нь байгаа болохоор удахгүй тавина. Эр хүн шиг түрүүлээд хэллээ шүү. Болсон зүйлд би буруутай. Би нэг ч төгрөг аваагүй. Зүгээр л тэдний үгэнд орчихсон. Одоо удаан хадгалж чадахгүй. Хуягаа начин шүгэл үлээгээд эхэлсэн. Удахгүй ахад хэлнэ ээ" хэмээн бичснийг Д.Цэрэнтогтох начин "Энэ нөхөр өөрөө гарч ирээд хүлээчихээ эхний удаа нэр усыг нууцлая даа" гэх тайлбартайгаар нийтэлсэн байна.
