Өнгөрсөн наймдугаар сарын эхээр Шинэ Зеландад чемодан дотроос хоёр хүүхдийн цогцос олдсон харамсалтай хэрэг гарсан. Тухайн хүүхдүүдийн ээж байж болзошгүй эмэгтэй Өмнөд Солонгост байгаа гэж Сөүл хотын цагдаагийн албаны хүн мэдээлж байсан.

Тэгвэл хоёр хүүхдийн эх гэгдэж байсан 42 настай эмэгтэйг Өмнөд Солонгост хүн амины хэргээр баривчилжээ. Өмнөд Солонгосын цагдаагийн албаны хүн CNN агентлагт мэдээлснээр "Нэр нь тодорхойгүй байгаа эмэгтэйг орон нутгийн цагаар пүрэв гарагийн үүрээр зүүн өмнөд хэсэгт орших Улсан хотоос баривчилсан. Баривчлагдсан эмэгтэй нь 2018 онд Өмнөд Солонгост ирсэн бөгөөд тэр цагаас хойш эх орноосоо гарч амжаагүй байсан. Нас барсан хүүхдүүдийн ээж болох нь батлагдаж байгаа" хэмээжээ.

Шинэ Зеландын цагдаагийн газраас "Өмнөд Солонгостой хийсэн шилжүүлэн өгөх гэрээний дагуу эмэгтэйг баривчлах тушаал гаргаж, түүнийг яллагдагчаар татахын тулд Шинэ Зеландад шилжүүлэн өгөх хүсэлт гаргасан байгаа" гэлээ.

Хэргийг сануулахад, Өмнөд Окландын нэгэн гэр бүл хадгалах газраас онлайн дуудлага худалдаагаар худалдаж авсан эд зүйлсээс хүний ​​биеийн хэсгүүд олдсон тухай мэдээлсний дараа Шинэ Зеландын цагдаа нар хүн амины хэргийн мөрдөн байцаалтыг эхлүүлсэн байдаг.

Шинэ Зеландын цагдаагийн газрын мэдээлснээр, 5-10 насны хүүхдүүд олон жилийн турш, магадгүй 3-4 жилийн өмнө нас барсан байж магадгүй гэжээ.