Ховд аймгийн Буянт сумын харьяат О.Хангайн "Монгол улсын Аварга" цол хүртсэний талархал, хүндэтгэлийн ёслолын үеэр Ховдын бренд болсон “Тарвас эвент” болсон юм.

Энэхүү арга хэмжээ нь орон нутгийн хөрсөнд тарьж ургуулсан экологийн цэвэр бүтээгдэхүүн болох тарвас брэндээ сурталчлах, аялал жуулчлалыг хөгжүүлэх ач холбогдолтой бөгөөд тус арга хэмжээнд 100 гаруй тариаланчид оролцож, тарвасаар ундаа шүүс, цэлцгэнүүр, чихэр, зайрмаг торт зэрэг олон нэр төрлийн бүтээгдэхүүн хийж олон нийтэд сонирхуулсан аж. Мөн,

• “Хамгийн том тарвас”,
• “Тарвасаар хамгийн олон бүтээгдэхүүн хийх”
• “Тарвасан дээрх сийлбэр” зэрэг гурван төрлөөр шилдэг бүтээл шалгаруулжээ.

"Тарвас эвент"-эд оролцсон тариаланчдаас Буянт сумын тариаланч О.Октябрийн тарьж ургуулсан тарвас 16.8 кг татаж тэргүүн байранд шалгарсан ба 300 мянган төгрөгөөр зарагджээ. Цаашид энэхүү арга хэмжээг жил бүр уламжлал болгон зохион байгуулах юм.