Ховд аймагт гурван настай хүүхэд автомашины жолооны ард тоглож байгаад нэг настай дүүгээ дайрсан хэрэг гарчээ.

Уг хэргийн талаар ЦЕГ-аас тодруулахад "Энэ сарын 15-ны өдөр Ховд аймгийн нутаг дэвсгэрт гурван настай хүү түлхүүр нь зоолттой, араандаа хийсэн машины жолооны ард сууж төрсөн дүү нэг настай Э-г /охин/ дайрсан хэрэг гарсан. Улмаар нэг настай охин амь насаа алдсан. Энэ хэргийг Ховд аймгийн цагдаагийн байгууллагаас шалгаж байгаа" гэв.

Эцэг эхчүүд та бүхэн хүүхдэдээ тавих хараа хяналтаа сайжруулж, болзошгүй эрсдэлээс урьдчилан сэргийлнэ үү.