УИХ-ын гишүүн Ш.Адьшаа, Н.Ганибал нарын өнгөрөгч 11 дүгээр сард "давхар дээл"-тэй холбоотой гаргасан гомдлыг хэлэлцэх ҮХЦ-ийн Их суудлын хуралдаан үргэлжилж байна. Хуралдаан өнөөдөр өглөөний 09:30 цагт эхэлсэн. Энэ удаагийн хуралдаанд цэцийн бүх гишүүд оролцож байгаа ба одоогоор хэзээ дуусах нь тодорхойгүй байна.

Ташрамд дурдахад, 2019 оны Үндсэн хуулийн нэмэлт, өөрчлөлтөөр баталсан “Ерөнхий сайд болон Засгийн газрын гишүүдийн дөрвөөс илүүгүй нь УИХ-ын гишүүн байж болно” гэж заасан нь Үндсэн хууль зөрчсөн гэх гомдлыг гишүүд гаргасан байдаг. Хэрвээ Цэц уг гомдол, мэдээллийг Үндсэн хууль зөрчсөн гэж шийдвэрлэх юм бол ЗГ бүтэц бүрэлдэхүүндээ өөрчлөлт оруулах нөхцөл байдал үүснэ. Учир нь Цэцийн Их суудлын хуралдаан эцсийнх байдаг.