УИХ-ын чуулганы хуралдаанаар Монгол Улсын 2022 оны Төсвийн тухай хуульд өөрчлөлт оруулах тухай хуулийн төслийг эцэслэн баталлаа. Ингэхдээ уг хуулийг дагалдуулж Төсвийн хэмнэлтийн тухай хуулийн төслийг оруулж ирсэн. Улмаар Нийслэлийн Засаг дарга хоёр хүртэл, аймаг, дүүрэг, сумдын Засаг дарга нэгээс илүү орлогч даргатай байхыг хориглох заалтыг тусгажээ.

Уг хууль өнөөдрийн чуулганы хуралдаанаар батлагдлаа. Ингэснээр Нийслэлийн Засаг дарга Д.Сумъяабазар зургаан орлогчийнхоо дөрвийг нь чөлөөлөхөөр болж байна. Мөн аймаг, дүүргийн Засаг дарга нар 3-4 орлогчоосоо зөвхөн нэгийг нь авч үлдэнэ.