Ипотекийн зээл авсан иргэдэд зуучилсан нэрийдлээр хувь авч, луйварддаг компанийн тухай мэдээлэл гарсан. Энэ талаар Шадар сайд С.Амарсайханаас тодрууллаа.

- Монголын ипотекийн корпораци гэх компани ипотекийн зээл авсан иргэдэд зуучилсан нэрийдлээр хувь авч, луйварддаг гэх мэдээлэл гарсан. Энэ талаар мэдээлэл өгнө үү?

- "Монголын ипотекийн корпораци” буюу МИК ОССК ХХК-ийг иргэд төрийн өмчийн компани, Засгийн газрын нэг агентлаг гэж иргэд ойлгодог.

Гэтэл энэ компани иргэдийн төлж буй 8 хувийн ипотекийн зээлийн 2-3 хувийг нь авдаг гэсэн үг. Банкнаас зээл аваад нь зүгээр байрныхаа төлбөрийг төлж байхад дунд нь зуучлалд мөнгө өгдөг схемийг бий болгосон байна. Иргэдэд ипотекийн зээл зуучилсан гэдгээрээ хувь авч, луйварддаг байсан. Төрийн өмчийг нь ч хулгайлаад, иргэдийнх нь халаас, цалингаас ч суйлаад гар дүрээгүй, оролцоогүй асуудал байхгүй иргэд, төр засаг гэлтгүй бүх салбараас хумсалж байна.