Эрээн, Замын-Үүд боомтын нөхцөл байдлын талаар ЗТХЯ-аас мэдээлэл хийлээ.

Энэ үеэр Шадар сайдын хэвлэлийн төлөөлөгч Ц.Мөнхбаатар дараах мэдээллийг өглөө. Тэрбээр "Шадар сайд албан байгууллагууд руу хандаж хэд хэдэн чиглэл өгсөн. Тухайлбал, Шадар сайд өргөн царгиар ачаа бараа татан авах хүсэлт тавьсан. Мөн нарийн царгиар хүнсний ногоо зэргийг татан авах боломжуудыг хоёр талдаа судалж байгаа. Нэг зүйлийг онцлоход урд хил гурван сар хаагдлаа. Тэг цэгээс гурван км газар тээвэрлэлт хийхдээ үнэ шингээсэн зүйл байхгүй. Чингэлгийн тоог нэмэх саналыг тавьсан. Жолооч нарыг маш хатуу тусгаарлаж байгаа. Ингэж байж тээвэрлэлтээ зогсоохгүй үргэлжлүүлэх болно. Европ тив рүү тээвэрлэлт хийх боломжуудыг зохион байгуулах үүргийг АТҮТ, ЗТХЯ-нд хүргэсэн" гэв.

С.Сувдансондор