Өнгөрөгч долдугаар сард БНСУ-ын дунд сургуулийн сурагчид сургуулийнхаа Монгол охиныг зодож, хүчээр архи уулган, 6 цаг өрөөнд нь хорьсон ноцтой хэрэг гарсан талаар тус улсын MBC телевизийн мэдээгээр цацагдаад буй. Тэгвэл уг асуудлыг ГХЯ-наас тодруулахад "Энэ талаар ГХЯ-нд ямар нэг мэдээлэл ирээгүй. Гэхдээ тус хэргийн талаар Солонгос улс дахь Элчин сайдын яам болон холбогдох байгууллагуудаас тодруулга авч ажиллаж байна. Удахгүй мэдээлэл өгнө" гэлээ.