Төрийн худалдан авах ажиллагааны газар 300 сая төгрөгрөөр хэрэглэгчдийн сэтгэл ханамжийн судалгааны тендер зарлажээ.

Тус агентлаг нь "...төрийн болон орон нутгийн өмчийн хөрөнгөөр хэрэгжих худалдан авах ажиллагаанд оролцогч иргэн, хуулийн этгээдэд мэдээлэл, үйлчилгээ үзүүлэх, ил тод, нээлттэй, шилэн тендер шалгаруулалтын бодлого баримтлан ажиллахад оршино" хэмээн байгууллагын зорилгоо тодорхойлсон байдаг.

Товчхондоо худалдан авах ажиллагааны ажлууд буюу тендер зохион байгуулах, түүнийг иргэдэд нээлттэй хүргэх, шилэн дансанд байршуулах ажлыг хийж байгаа байгууллагын үйл ажиллагаа tender.gov.mn хаягаар олон нийтэд хангалттай ил тод харагдаж буй. Гэтэл хэрэглэгчдийн сэтгэл ханамжийн судалгааны ажлыг 300 сая төгрөгөөр хийлгэх гэж байгаа нь төсвийн мөнгийг төрийн байгууллага хэрхэн үрэн таран хийж байгаагийн нэгэн томоохон жишээ боллоо.