Хууль зүй, дотоод хэргийн сайд Х.Нямбаатараар ахлуулсан Мөнгө угаах, терроризмыг санхүүжүүлэхтэй тэмцэх Үндэсний зөвлөлийн ээлжит хуралдаан өнөөдөр буюу есдүгээр сарын 7-нд боллоо.

Хуралдаанаар тус Үндэсний зөвлөл хуульд заасан чиг үүргийн хүрээнд Мөнгө угаах, терроризмыг санхүүжүүлэхтэй тэмцэх Үндэсний хөтөлбөр боловсруулах болон Үндэсний эрсдэлийн үнэлгээ хийх ажлын явц байдалтай танилцаж, Виртуал хөрөнгийн эрсдэлийг үнэлэх, ФАТФ-ын 40 зөвлөмжийн дутагдлыг сайжруулах ажлын төлөвлөгөө батлах зэрэг хэд хэдэн асуудлуудыг хэлэлцэн шийдвэрлэж, холбогдох байгууллагуудын удирдлагуудад үүрэг, чиглэл өгсөн байна.