Монгол Улсын Ерөнхийлөгч У.Хүрэлсүх ОХУ-ын Владивосток хотноо болж байгаа Дорнын эдийн засгийн VI чуулга уулзалтад ОХУ-ын Ерөнхийлөгч Владимир Путины урилгаар цахимаар оролцож үг хэллээ.

Чуулганы үеэр ОХУ-ын Гадаад батлан ​​хамгаалах бодлогын зөвлөлийн Тэргүүлэгчдийн гишүүн Сергей Борисович Брилёв Улаанбаатар хотыг Швейцарийн Женевтэй адилтган дүгнэж АНУ-ын ерөнхийлагч Жое Байдентай хийх уулзалтыг Улаанбаатарт хийж болох юм гэсэн санал дэвшүүллээ. Харин Ерөнхийлөгч У.Хүрэлсүх манай улс бол хоёр хөрш улстайгаа хилийн маргаан байхгүй, дотооддоо шашин хоорондын мөргөлдөөн байхгүй, терроризмгүй, улс төр нь тогтвортой улс тиймээс гадаадын хөрөнгө оруулагчидтай харилцан ашигтай ажиллах бүрэн боломжтой, та бүхэнтэй хамтран ажиллахад бэлэн байна гэсэн юм.