Сүүлийн өдрүүдэд зарим аймгуудын нутгаар үргэлжилсэн хур бороо орж байгаагийн улмаас гол мөрөн үерлэж, зам харгуй сэтэрч гэмтэх тохиолдлууд гарч байгаа талаар албаныхан сануулсаар буй. Тухайлбал, наймдугаар сарын 17-18-ны шилжих шөнө Ховд аймгийн Мөст сумын Халзан Хошууны эхэнд үерийн улмаас засмал зам сэтэрч орон нутгийн иргэд зорчиход хүндрэлтэй нөхцөл байдал үүсчээ. Иймд хөдөө орон нутгийг зорьж буй иргэд тухайн орон нутгийн цаг агаарын нөхцөл байдлыг судлах, тээврийн хэрэгслийн бүрэн бүтэн байдлыг хангаж хөдөлгөөнд оролцох, баталгаатай зам гүүрээр зорчиж өөрийн болоод өрөөлийн амь насыг болзошгүй эрсдлээс хамгаалахыг холбогдох албаныхан анхааруулж байна.