Токио-2020 олимпын наадам тав дахь өдрөө үргэлжилж байна. Энэ удаагийн олимпт манай улсын 43 тамирчин спортын 10 төрөлд хүч үзэж буй. Тэгвэл өнөөдөр өглөө чөлөөт бөх, хүндийн өргөлтийн шигшээ багийн баг тамирчид Токио олимпыг зорилоо. Хүндийн өргөлтийн тэмцээн наймдугаар сарын 2-нд эхэлнэ. Харин чөлөөт бөхийн төрлийн тэмцээн наймдугаар сарын 1-нд эхлэх тул манай баг тамирчид ийнхүү Токио хотыг зорьж буй нь юм.