БНХАУ-д үйлдвэрлэсэн коронавирусний эсрэг вакцин Пакистанд хүрсэн талаар CNN мэдээлжээ. Ингэснээр тус улс Хятадын вакцины дэмжлэгийг хүлээж авсан анхны улс болж буй юм. Тодруулбал, БНХАУ-ын боловсруулсан вакцин даваа гарагт Бээжингээс Пакистанд хүрсэн байна. 

Түүнчлэн БНХАУ өөрсдийн боловсруулсан Ковид19-ийн эсрэг вакциныг Азийн 13 оронд өгөхөөр төлөвлөж байгаа талаар тус улсын ГХЯ-ны хэвлэлийн төлөөлөгч Ван Вэньбин мэдэгдсэн байна. Үүнд Монгол, Бруней, Непал, Филиппин, Мьянмар, Камбож, Лаос, Шри Ланка, Палестин зэрэг улс багтаад буй юм.