Нийслэлийн Сонгинохайрхан дүүргийн наймдугаар хороонд гэр шатаж байна гэсэн дуудлагыг нэгдүгээр сарын 27-ны өдрийн 19:14 цагт хүлээн авчээ.
Тус дүүргийн Онцгой байдлын хэлтсийн Гал түймэр унтраах, аврах 29-р ангийн алба хаагчид 3 километр замыг туулан 19:20 цагт очиж, иргэн М-ийн таван ханатай гэр шатаж байсныг 35 минут ажиллаж унтрааажээ. Уг гал түймрээс 13 настай, эрэгтэй Б, 9 настай, эмэгтэй А, 5 настай, эмэгтэй М, 2 настай, эмэгтэй А, 7 сартай, эмэгтэй З нарын амь насыг авран хамгаалсан байна.