“Хилчин” спорт хорооны түүхт 80 жилийн ойд зориулсан улс, аймаг, цэрэг, сумын цолтой 128 бөхийн барилдаан болж, улсын өсөх идэр начин Б.Түмэндэмбэрэл түрүүллээ.

Тус барилдаанд Булган аймгийн Орхон сумын харьяат, “Хилчин” спорт хороо, Хилийн цэргийн 0208 дугаар анги, “Кардеш” ХХК, “Дээдсийн Жигүүр” ХХК, “Булган” дэвжээний бөх Б.Түмэндэмбэрэл түрүүлж, түрүү бөхийн бай шагналыг хүртсэн байна.

Харин Дундговь аймгийн Эрдэнэдалай сумын харьяат, “Түшээт Ханы Аварга” дэвжээ, “Эрч” спорт хороо, “Пирамид-Орд” ХХК, “Эрдэм Транс” ХХК-ийн бөх, улсын үнэн зоригт харцага Э.Даш үзүүрлэлээ.

Ийнхүү 128 бөхийн барилдаанд Б.Түмэндэмбэрэл начин түрүүлж, Э.Даш харцага үзүүрлэн, “Хилчин” спорт хорооны 80 жилийн ойн баярын барилдааны шилдгүүдээр тодорлоо.