Ардчилсан намын ҮБХ-ны хуралдаан Төрийн ордонд үргэлжилж байна. Яг одоо тус намын дэд дарга нарыг сонгох асуудлыг хэлэлцэж байна. Тус нам энэ удаад таван дэд даргатай ажиллах бөгөөд өнөөдрийн ҮБХ-ны хуралдаанаар сонгох аж.

Эх сурвалжийн мэдээлснээр, АН-ын дарга О.Цогтгэрэл Нийслэл хариуцсан дэд даргаар УИХ-ын гишүүн Ч.Лодойсамбууг, орон нутаг хариуцсан дэд даргаар УИХ-ын гишүүн Ц.Мөнхбатыг томилох санал гаргасан байна. Мөн УИХ-ын гишүүн П.Мөнхтулгын нэр намын дэд даргад яригдаж байгаа аж.