АН-ын Үндэсний бодлогын хорооны хурлыг энэ сарын 6-ны лхагва гарагт Төрийн ордонд хуралдуулахаар зарласан. Тус хуралдаанаар намын Ерөнхий нарийн бичгийн дарга болон таван дэд даргыг сонгох болон дотоод зохион байгуулалттай холбоотой зарим асуудлыг хэлэлцэхээр төлөвлөөд буй.
Сануулахад, өнгөрсөн дөрөвдүгээр сарын 15-нд хуралдсан Улс төрийн зөвлөлийн хурлаар С.Баярцогтыг Ерөнхий нарийн бичгийн даргын үүрэг гүйцэтгэгчээр сонгосон байдаг. Тэрбээр 30 хоногийн хугацаанд үүрэг гүйцэтгэгчээр ажиллах бөгөөд энэ хугацаанд түүнийг албан ёсоор жинхлэх эсвэл өөр нэр дэвшигчийг намын удирдлагын зүгээс дэвшүүлж, ҮБХ-ны гишүүдийн санал хураалтаар шийдвэрлэх юм.
