"Хаан Шонхорууд" болон “Би Си Эйч Найтс” багуудын цувралын дөрөв дэх тоглолтод Шонхоруудын залуус 102:87 харьцаатайгаар хожил байгуулж цуврал 2-2 болж тэнцлээ. Эхний хоёр тоглолтод “Би Си Эйч Найтс” ялалт байгуулаад байсан бол "Хаан Шонхорууд" дараалсан хоёр ялалтыг авч чадлаа.
Энэ тоглолтод Байрон Уэсли 41, "Улирлын шилдэг залуу тоглогч"-ийн шагналыг хүртсэн О.Өсөхбаяр 22, “Шилдэг зургаа дахь тоглогч” А.Батхуяг 18 оноог авч багийнхаа хожилд том тус хүргэлээ. Шонхорууд довтолгооны самбарт илүүрхсэн нь тэдний ялалтын гол үзүүлэлт байлаа. Мөн багаараа 12 алсын зайн шидэлтийг амжилттай болгожээ.
