Шадар сайд Ө.Энхтүвшингээр ахлуулсан улсын Онцгой комисс хуралдаж ирэх Даваа гарагаас эхлэн гуравдугаар сарын 2-ныг хүртэл улс даяар сургууль цэцэрлэгийн үйл ажиллагааг түр зогсоох шийдвэр гаргажээ.

Тус хуралд Эрүүл мэндийн сайд Д.Сарангэрэл коронавирусээс сэргийлж сургууль, цэцэрлэгийг түр хаах саналыг оруулан, хэлэлцүүлсэн юм. Монгол улсад коронавирус илрээгүй ч урьдчилан сэргийлэх, ханиад томууны үеийн эрсдлийг бууруулах үүднээс ЕБС-иудыг өмчийн хэлбэр үл харгалзан 2020 оны 3-р сарын 2-ныг хүртэл хаах шийдвэр гаргалаа.