“Эрдэнэс Монгол” ХХК-ийн Хувьцаа эзэмшигчдийн хурал болж, Засгийн газрын Хэрэг эрхлэх газрын (ЗГХЭГ) дэд дарга Ц.Одхүүг ТУЗ-ийн даргаар сонгоод байгаа билээ. Тэгвэл Ц.Одхүүгийн өмнө буюу 2022–2025 онд “Эрдэнэс Монгол” ХХК-ийн ТУЗ-ийн даргаар ажиллаж байсан ЗГХЭГ-ын Салбарын бодлого зохицуулалтын газрын дарга Ш.Мөнхцэрэн нь төрийн өмчит компаниудыг удирдлага, менежментээр хангах үүрэгтэй “Эрчист Монгол” ХХК-ийн ТУЗ-ийн гишүүнээр томилогдон, тус компанийн ТУЗ-ийн даргаар сонгогдоод байна.