УИХ-ын гишүүн Б.Энхбаяр өнгөрсөн баасан гарагт буюу 2025 оны төсвийн төслийг баталсан чуулганы хуралдааны дүрс бичлэг, тэмдэглэлийг авах хүсэлтээ УИХ-ын Тамгын газарт хүргүүлсэн тухай бид өмнө нь мэдээлсэн.

Тэгвэл уг хүсэлтийнх хариу дөрөв хонож байхад ирээгүй асуудлаар дахин албан бичиг хүргүүлж, байр сууриа илэрхийлэв. Тэрбээр "2025 оны төсөв батлах үеийн цаасан тэмдэглэл, танхимын видео дүрсийг дөрөв хонож байхад УИХ-ын Тамгын газар гаргаж өгдөггүй ээ. Тамгын газрын мэдээлэл технологийн газрын дарга нь өнөөдөр "УИХ-ын чуулганы хуралдааны танхимын камеруудын дүрсүүд хадгалагддаггүй, устгагддаг" гэв. Иймээс энэ асуудлаар хууль хяналтын байгууллагад хандах эрх зүйн үр дагавар үүсэж болзошгүй болов" гэлээ.