УИХ-ын намрын ээлжит чуулганы 2024.10.31-ний өдрийн нэгдсэн хуралдаан үргэлжилж байна. Тодруулбал өнөөдрийн хуралдаанаар Монгол Улсын 2025 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүдийн анхны хэлэлцүүлгийг хийх юм.

УИХ-ын гишүүн Н.Номтойбаяр: Монгол Улсын 2025 оны Улсын төсвийн төсөлд зарлага хэт өндөр, орлогоо бүрдүүлэх хүчин зүйлсийн баталгаа хангалтгүй байна. Өөрөөр хэлбэл тэвчиж болох зардлууд маш их байхад эрх баригчид болон ихэнх гишүүд үүнд анхаарлаа хандуулж дуугарахгүй байгаа нь шинэ парламентад итгэх иргэдийн итгэлийг үгүй хийж байгаа юм. Товчхондоо Үндсэн хуулийн өөрчлөлтийн дүнд байгуулагдсан 126 гишүүнтэй шинэ парламентад олон нийт итгэхээ байж. Одоо иргэдийнхээ итгэлийг олж авах ганц зам нь төсвийн алдагдлаа бууруулж, зардлаа танах шаардлагатай байна. төсвийн дарамтыг ард түмэн үүрэх ёсгүй.