УИХ-ын ээлжит бус чуулганы үдээс хойшх хуралдаанаар 2023 оны улсын төсвийн гүйцэтгэлийг хэлэлцэж байна. Энэ үеэр УИХ-ын гишүүн Г.Дамдинням "Сайд нар төсвөө батлуулж авлаа гэсэн шиг алга болдог байдлыг болиулж өгөөч. Төсвөө батлуулахдаа сууж гуйж байгаад батлуулдаг. Гүйцэтгэлийг нь ярих гэхээр зугтаж алга болоод, дараа нь энд тэндээс хэрүүл хийгээд байдгаа болих хэрэгтэй. Эзэнгүй хүмүүсээс асуулт асууж жүжиг тоглоод, цагаа алдмааргүй байна" гэж шүүмжлэлтэй хандсан юм.