Сагсан бөмбөгийн Үндэсний дээд лигийн “Бишрэлт “Metal” болон “IHC “Apes” багуудын тоглолтын үеэр Бишрэлт “Metal” Багийн тоглогч гадаад улсын иргэн Cylla нь IHC “Apes” багийн тоглогч Т.Мэндбаярын биед халдсан үйлдэл гаргасан.
Энэ талаар Цагдаагийн байгууллагаас тодруулахад, "Энэ оны хоёрдугаар сарын 9-ний өдөр Баянгол дүүргийн 26 дугаар хорооны нутаг дэвсгэрт байрлах “UG arena” спортын төвд Үндэсний дээд лигийн тэмцээний сагсан бөмбөгийн тоглолтын үеэр тоглогч гадаад улсын иргэн "C" нь тоглогч "М"-ын биед нь халдсан үйлдэлд Зөрчлийн тухай хуулийн 5.3 дугаар зүйлийн 1 дэх хэсэгт зааснаар 100 нэгжээр торгох шийтгэл оногдуулсан" гэлээ.
